Ný útgáfa af Dynamics NAV á Íslandi 
- Microsoft Dynamics NAV 2013

Þann 2. maí tilkynnti Microsoft á Íslandi um nýja útgáfu af Microsoft Dynamics NAV 2013 sem nú er fáanleg á Íslandi.

Microsoft hefur lagt mikið í þróun útgáfunnar og var áherslan á að bjóða upp á heildstæða lausn sem sameinar viðskiptahugbúnað, viðskiptagreind og skýrslugerðartól við aðrar vörur Microsoft.
Nýja útgáfan er hraðvirkari og býður upp á fjölmarga nýja möguleika fyrir notendur, betri aðgang að gögnum, hýsingu og fl..

Viðbrögðin hjá þeim löndum sem fyrst voru til þess að fá aðgang að Microsoft Dynamics NAV 2013 hafa verið mjög jákvæð og erum við hjá Wise spennt fyrir að geta boðið okkar viðskiptavinum nýja og spennandi útgáfu.
Starfsfólk Wise vinnur nú hörðum höndum að þróun sérkerfa okkar í nýrri útgáfu og munum við kynna það nánar á sumarráðstefnu sem haldin verður þann 16. maí í Hörpu.

Starfsfólk Wise

Wise er söluaðili Microsoft Dynamics NAV á Íslandi og er í fararbroddi í upplýsingatækni með sérstaka áherslu á bókhald, ráðgjöf, hugbúnaðargerð og innleiðingu hugbúnaðar ásamt öflugri og persónulegri þjónustu. Kerfi Wise eru í notkun hjá mörgum af stærri fyrirtækjum landsins.

Wise býður staðlaðar Microsoft Dynamics NAV lausnir auk fjölda sérlausna fyrir íslenskan og alþjóðlegan markað. Wise hefur sérhæft sig í viðskiptahugbúnaði á sviði fjármála, verslunar, sérfræðiþjónustu, sveitarfélaga, sjávarútvegs og flutninga. Wise hefur einnig þróað lausnir byggðar á öðrum Microsoft vörum s.s Microsoft Dynamics CRM, SharePoint, SQL og Reporting Services.

Wise hefur áratuga reynslu á markaði og að þjónusta stóran hóp viðskiptavina af öllum stærðargráðum. Wise er einn öflugasti söluaðili á Microsoft Dynamics NAV viðskiptahugbúnaðinum á Íslandi og hefur hlotið fjölda viðurkenninga frá Microsoft fyrir starfsemi sína þ.a.m. samstarfsaðili ársins hjá Microsoft árin 2010 og 2011 og Fyrirmyndarfyrirtæki VR sl. ár.

Fyrirtækið

• Wise er sjálfstætt starfandi hugbúnaðarhús sem einbeitir sér að þróun og stuðningi við fyrsta flokks kerfiseiningum til hagsbóta viðskiptavina okkar.
• Innan Wise starfar öflugur hópur sérfræðinga með áralanga reynslu í Microsoft lausnum. Starfsfólk Wise hefur það að leiðarljósi að veita viðskiptavinum góða og trausta þjónustu ásamt faglegri ráðgjöf.
• Traustar og góðar bókhalds- og viðskiptalausnir og áralöng reynsla starfsfólks Maritech tryggir viðskiptavinum samkeppnisforskot.
• Wise er í eigu AKVA Group í Noregi.
• Wise býður stórt úrval hugbúnaðarlausna sem byggir á þeirri hugmyndafræði að gera fyrirtækjum kleift að taka góðar og vel í grundaðar viðskiptaákvarðanir hratt og af nákvæmni, byggðar á öruggum upplýsingum úr bókhalds og birgðakerfum fyrirtækisins.