Wise verslunarlausnirCentara og Toshiba Page cropped thin

  • Wise POS er sérlausn Wise fyrir smásala, heildsala og þjónustufyrirtæki og er innbyggð lausn í Dynamics NAV. Markmið með lausninni er að bjóða eina heildarlausn þar sem einn og sami þjónustuaðilinn sér bæði um bókhaldskerfið og afgreiðslukerfið og sparar með því bæði tíma, kostnað og tengingar á milli kerfa. Kerð er tvískipt í afgreiðsluglugga og greiðsluglugga, en hægt er að nota greiðslugluggan til borgunar á greiddum reikningum.

    Einfalt í notkun

    Við hönnun kerfisins var leitast við að gera það einfalt í notkun, rekstri og uppsetningu og að fljótlegt væri að kenna starfsfólki á þá virkni sem kerfið hefði upp á að bjóða.  Sölumenn nota aðgangsorð til að skrá sig inn í kerfið, en með því er öryggi og rekjanleiki tryggður. Hver sölumaður hefur aðeins þá sýn og aðgang sem honum er ætlað varðandi gerð kreditreikninga, afslætti, breytinga á vöruverði og annað slíkt.

    Skrifað ofan á NAV

    Wise Pos er skrifað ofan á staðlaða virkni í Dynamics NAV, og hefur þá kosti að það nýtir sér alla þá möguleika sem birgðakerfið, sölukerfið, viðskiptamenn, víddir o.fl. hafa upp á að bjóða t.a.m. tilboð, vöruverð, afsláttarflokka viðskiptamanna og margt fleira. Breytingar á forsendum flæða á milli kerfanna sem gefur möguleika á öruggari greiningum gagna og skýrslum.
    Með Wise Pos lausninni er hægt er að nota snertiskjá eða mús, allt eftir því hvað notandinn kýs.

    Ánægðir viðskiptavinir

    Meðal viðskiptavina sem nýta sér WisePos afgreiðslukerfið má m.a. nefna: Sjónvarpsmiðstöðina, Heimilistæki, Hringrás, Eirberg, Vodafone og B&L.

  • Vefbúðartenging Wise er þjónusta sem gerir þeim er reka vefbúðir kleift að tengja verslunina beint við NAV.

    Útbúið er vefflokkatré í NAV sem síðan er „speglað“ yfir í vefbúðina. Þannig er hægt að stjórna uppbyggingu vefflokkatrés beint úr NAV og setja vörur í flokka. Einnig er hægt að breyta tilhögun vefflokkatrés hvenær sem er og uppfærist vefflokkatréð samstundis í vefbúðinni.


    Sölur streyma beint í NAV

    Vefbúðartengingin tekur við sölum þegar viðskiptavinur kaupir í vefbúðinni. Salan er þá mynduð í NAV með öllum nauðsynlegum upplýsingum.


    Vöruupplýsingar

    Vöruupplýsingar innhalda t.d. vörunúmer, vörulýsingu, myndir, einingarverð og birgðastöðu. Hægt er að sækja birgðastöðu niður á birgðageymslu.


    Upplýsingar um viðskiptamenn

    Auðvelt er að sækja upplýsingar um viðskiptamenn í NAV með uppflettingu á kennitölu og einnig er hægt að stofna nýja.


    SOAP vefþjónustustaðall

    Samskipti við vefbúðartengingu fer fram í gegnum SOAP vefþjónustu staðalinn og er uppsetningin einföld. Upplýsingar um vefþjónustu- slóðir eru sýnilegar og hægt að senda til uppsetningaraðila vefbúðar.

    Helstu kostir

    -          Bein tenging við vöruuplýsingar í NAV

    -          Hægt er að hanna og viðhalda vöruflokkatré í NAV

    -          Sölupantanir myndast í NAV um leið og viðskiptavinur pantar á vef.

    -          Aðgangur að viðskiptamannalista í NAV

    -          Auðvelt að tengja vörur og aftengja

    -          Rauntímabirgðastaða 

     

    Skoðið bækling hérna.

     WiseVidVefbudartenging A4 rev03 1702 LoRes 300px

     

  • verslun

    STÓRVERSLANIR

    Innbyggður sveigjanleiki kerfisins gerir eigendum kleift að aðlaga það að hvaða stærð eða gerð af verslun sem er. Vaxtargeta forritsins er mikil og ræður við umtalsverðan fjölda af stöðvum.

    TÍSKUVÖRUVERSLANIR

    Kerfið býður upp á einstaklega aðgengilegt notendaviðmót sem styttir þjálfunartíma starfsfólks. Viðmótið er gegnsætt, auðlært og leiðir starfsmenn áfram í söluferlinu. Auðteknar skýrslur varpa ljósi á sölur og frammistöðu.

    FB banner Cent

    MATVÖRUVERSLANIR

    Eitt hraðvirkasta sölukerfið á markaðnum í dag. Með styttri afgreiðslutíma næst betri hagræðing og vaxtarmöguleikar aukast. Margar gerðir af skýrslum hjálpa eigendum að ná yfirsýn yfir reksturinn, fylgjast með daglegum rekstri og afkomu, bæði einstakra vara og starfsmanna.

    SÓLARHRINGSVERSLANIR

    Einfalt notendaviðmót og hraðvirkni kerfisins er lykilatriði. Hægt er að hanna viðmótið sérstaklega að hverjum notenda fyrir sig og með innskráningu getur verslunarstjóri t.d. fengið aðgang að öðru viðmóti en hinn almenni starfsmaður, þar sem hann getur tekið út skýrslur og fleira. Innbyggð vörn gegn vá er í kerfinu.

    HÚSGAGNAVERSLANIR

    Aðgengilegt og sveigjanlegt notendaviðmót og tenging við undirliggjandi bókhaldskerfi. Hægt að hafa breytilegt notendaviðmót eftir staðsetningu í verslun eða eftir þeim starfsmanni sem skráður er inn á kerfið. Möguleiki á tengingu við önnur kerfi s.s. afsláttarkerfi, bókhaldskerfi og pantanakerfi, svo eitthvað sé nefnt.

    SVEITARFÉLÖG

    Almenna afgreiðslulausnin fyrir sveitarfélög hentar vel t.d. fyrir sundlaugar, bókasöfn o.fl. Með “Sportcenter” lausninni fæst greinargott yfirlit yfir nýtingu íþróttamannvirkja og íþróttasala í skólum sem gefur möguleika á bættri nýtingu þeirra. Boðið er upp á greiningu á hvern útleigðan eða nýttan klukkutíma.

  • vinglosin

    Einstakt notendaviðmót sem hægt er að laga að þörfum hvers og eins veitingastaðar. Gegnsætt viðmót leiðir starfsfólkið áfram í gegnum pöntunina, inn í eldhús og síðan að klára reikninginn. Með einu handtaki er hægt að skipta reikningi eða færa gesti til á borðum. Auðvelt er að hanna sérhæfð viðmót t.d. fyrir yfirþjón þar sem aðgengi er að skýrslum og fleiru.

    skipulag borða og afgreiðslu

    Borðaskipulagið er sett upp á snertiskjánum til að tryggja fljóta afgreiðslu og einfalda pantanir.

    saetaskipan restaurant resize 500px

    PÖBBAR OG KLÚBBAR

    Einfalt er að skrá sig inn, taka niður pantanir og senda þær áfram. Vaktstjóri hefur aðgang að rekstrartengdum þáttum með innskráningu. Hér er vörn gegn vá innbyggð í kerfið. Hægt er að taka út rekstrartengdar skýrslur og ná út fjölbreyttum upplýsingum úr kerfinu varðandi framlegð eða starfsmenn.

    MATSÖLUR OG MÖTUNEYTI

    Einfalt notendaviðmót og hraðvirkni kerfisins eru lykilatriði fyrir þessa gerð af rekstri. Á snertiskjá eru uppsettar vörurnar sem í boði eru. Hvort sem um er að ræða peningaviðskipti eða starfsmannakort virkar kerfið mjög þægilega fyrir mötuneyti. Ef um lausasölu er að ræða má skrá vöruna inn handrænt eða skanna. Með innskráningu getur yfirmaður náð í frekari upplýsingar úr kerfinu s.s. skýrslur eða annað sem hann/hún vill skoða frekar.

    SKYNDIBITASTAÐIR

    skyndibiti með stúlkum800px

    Einfalt notendaviðmót og hraðvirkni kerfisins eru lykilatriði. Kerfið bíður upp á að hafa viðbætur á fyrstu pöntun, t.d. þegar verið er að bæta við áleggstegund á pizzu eða minnka sósu á pítu. Einfalt er að setja upp sjálfvirkt pöntunarkerfi fyrir lúguþjónustu.

    ELDHÚSKERFI CENTARA

    Eldhúskerfi Centara er mjög sveigjanlegt og þægilegt í notkun og býður veitingastöðum upp á sjónræna upplýsingagjöf til eldhússins sem skilar sér í bættum samskiptum afgreiðslu við eldhús og markvissari framleiðslu. Centara styður að sjálfsögðu einnig eldhúsprentara og eftirlitsmyndavélar ef óskað er eftir.

  • Centara logo

     

     

     

     

    Centara er í notkun hjá hundruðum viðskiptavina um heim allan. Kerfið er þægilegt í uppsetningu og einfalt í notkun.

    Salan fer fram á snertiskjá og með aðgangsstýringum er hægt að stjórna hvaða upplýsingar eru aðgengilegar hverjum og einum starfsmanni. Kerfið getur sinnt flóknum uppsetningum s.s. samsettum sölusköttum eða fleiri en einum gjaldmiðli.

    Centara er hannað fyrir verslunarrekstur og þjónar einstaklega vel bæði smærri fyrirtækjum með einn kassa og stærri verslunarkeðjum sem hafa kerfin sín í hýsingu.

    AFSLÁTTAR- OG TILBOÐSKERFI CENTARA

    Hægt er að búa til alla þá afslætti sem hugurinn girnist. Afslættina má hanna fram í tímann og láta kvikna sjálfkrafa. Afslætti má stilla þannig að þeir séu bara virkir á ákveðnum tímum, t.d. “Happy hour” tilboð eða laugardagstilboð. Sértilboð og pakkatilboð má einnig búa til í afsláttar- og tilboðskerfinu.

    VILDARKERFI CENTARA

    Inneignarnótur, punktar, vildarkerfi, VIP kerfi og  gjafakort, svo eitthvað sé nefnt.

    EFTIRLITSKERFI CENTARA

    Upplýsingar varðandi eyddar færslur, afslætti og margt fleira sem bent gæti til misferlis, eru varðveittar í kerfinu og hægt er að taka út sérstakar skýrslur ef grunur leikur á að um slíkt sé að ræða.

    Centara BI1

    toppur nav2016

    TENGING CENTARA VIÐ NAV

    Með beintengingu við Microsoft Dynamics NAV bókhaldslausnina flæða upplýsingar um greiðslur, vörur, viðskiptavini, gjafakort og afslætti auðveldlega á milli.

    Gögnin flæða sjálfvirkt frá Centara yfir í Dynamics NAV og getur flutningur orðið í rauntíma eða á nokkurra mínútna fresti.

Hafðu samband við söludeild Wise.

Að baki liggur áralöng reynsla í sölu og þjónustu við Dynamics NAV. Við getum aðstoðað þig.

Söludeild Wise 16Nov2016

 Björn Þórhallsson og Hallgerður Jóna Elvarsdóttir.