Húsfyllir á Sveitarfélagaráðstefnu Wise

A MG 1470

Sveitarfélagaráðstefna Wise var haldin þann 18. október í Háteig á Grand Hótel. Húsfyllir var á ráðstefnunni og fór vel á með fólki. Ráðstefnan er haldin annað hvert ár fyrir notendur Sveitarstjóra sem er sérkerfi frá Wise fyrir Sveitarfélög.

Sævar Freyr Þráinsson bæjarstjóri Akranesbæjar setti ráðstefnuna, og lagði út frá sinni reynslu sem bæjarstjóri á Akranesi. Eftir það tók Valur Guðlaugsson ráðgjafi í Sveitarstjóralausnum Wise við og kynnti möguleika sveitagáttarinnar sem er miðja Sveitarstjóra fyrir samskipti við vefumsóknir og kerfi frá þriðja aðila, einkum vegna reikningagerðar og/eða upplýsingar og nýting á frístundastyrk.

Snorri Gissurarson og Erna B. Einarsdóttir ráðgjafar hjá Wise kynntu svo nýjan aðgang fyrir forstöðumenn. Aðgangur þessi mun bjóða upp á uppáskrift reikninga, ásamt birtingu á fjárhagsupplýsingum sveitarfélaga. Í þessum nýja aðgangi mun forstöðumaður geta skráð fjárhags- og launaáætlun beint inn í vinnubækur í stað excelskjala.

 Ingimar Þór Friðriksson, forstöðumaður upplýsingatæknideildar Kópavogsbæjar kynnti stefnu Kópavogsbæjar um samþættingu tölvukerfa sveitarfélagsins. Ingimar fór í erindi sínu yfir nokkur dæmi sem hafa leitt til töluverðar hagræðingar fyrir bókhald sveitarfélagsins.

Ráðgjafar hjá Wise, Elín Áslaug Ásgeirsdóttir og Helen Ómarsdóttir, kynntu brellur og brögð í Microsoft Dynamics 365 Business Central.

Að lokum fór Jón H. Oddsson, vörustjóri sveitarfélagalausna Wise, yfir helstu nýjungar og ýmsa gullmola sem kerfið hefur að geyma. Fór hann yfir ný sérkerfi eins og Beiðnabók, Mælakerfi fyrir heitt og kalt vatn og þá tók Edda María Hagalín, fjármálastjóri Ísafjarðar stutta kynningu á innra bókhaldi í PowerBI sem er í notkun hjá Ísafjarðarbæ.

Við þökkum öllum sem gáfu sér tíma til að koma og hlýða á erindin og njóta dagsins með okkur.