Nýir eigendur að hugbúnaðarfyrirtækinu Wise

AKVA Centara Wise II

Fréttatilkynning

Centara ehf. hefur fest kaup á upplýsingatækni fyrirtækinu Wise Lausnir ehf., stærsta sölu- og þjónustuaðila hér á landi á Microsoft Dynamics NAV viðskiptabúnaði. Hjá Wise starfa um 75 sérfræðingar í þróun hugbúnaðar, ráðgjöf og þjónustu. Wise var áður í eigu AKVA group í Noregi. Eigandi Centara ehf. er Hugbúnaður hf. sem er í eigu starfsmanna og Vörðu Capital ehf.

 Wise sérhæfir sig í fjölbreyttum lausnum fyrir mörg af stærstu fyrirtækjum landsins. Á meðal viðskiptavina Wise eru sveitarfélög og fyrirtæki í sjávarútvegi, fjármálum, framleiðslu, verslun og ýmiskonar sérfræðiþjónustu. Heildarvelta Wise árið 2018 var 1.517 milljónir króna.

„Ég fagna farsælli niðurstöðu í söluferli félagsins. Við höfum átt mjög gott samstarf við Centara ehf. stjórnendur þess og starfsmenn til margar ára. Auk okkar góða samstarfs höfum við deilt með þeim húsnæði og þekkjum stjórnendur þess vel. Á milli okkar ríkir traust og vinátta," segir Hrannar Erlingsson framkvæmdastjóri Wise.

„Það felast mikil tækifæri í kaupum á Wise og fjölbreyttar lausnir félagsins eru spennandi. Þær fjárfestingar sem félagið hefur lagt í undanfarin ár er að stórefla framboð lausna og þjónustu við viðskiptavini hér heima og erlendis. Wise er vel í stakk búið til að takast á við enn frekari sókn á alþjóðamarkaði þar sem við sjáum mikil vaxtartækifæri fyrir félagið í nánustu framtíð," segir Stefán Þór Stefánsson, sem tekur við nýju sviði viðskiptaþróunar hjá Wise.

„Wise hefur náð frábærum árangri hér heima og erlendis sem er að þakka framúrskarani starfsfólki sem býr yfir mikilli reynslu og þekkingu á þróun viðskiptahugbúnaðar. Saman hlökkum við til að takast á við spennandi tækifæri sem félögin hafa myndað saman síðustu ár og munu styrkja okkur enn frekar í þróun og þjónustu lausna fyrir kröfuharða viðskiptavini hér heima og erlendis," segir Gunnar Björn Gunnarsson stjórnarformaður Wise.

Wise er „Gold Partner“ hjá Microsoft og hefur hlotið fjölda viðurkenninga fyrir starfsemi sína sína þar á með viðurkenningu sem „Samstarfsaðili ársins,“ hjá Microsoft á Íslandi og fyrirmyndarfyrirtæki VR og CreditInfo um nokkurra ára skeið. Á meðal helstu vörulausna Wise er WiseFish, lausn fyrir sjávarútveg sem notuð er af stórum sjávarútvegsfyrirtækjum um allan heim, NAV í áskrift, Wise Analyzer greiningartól, sveitarfélagalausnir og fjöldi annara viðskiptalausna.

Varða Capital ehf. er fjárfestingarfélag sem hefur það að markmiði að fjárfesta í uppbyggingu íslensks atvinnulífs. Varða Capital ehf. er samstarfsverkefni innlendra fjárfesta og bandarísks fjárfestingarsjóðs. Jónas Hagan Guðmundsson mun taka sæti í stjórn Wise Lausnum ehf.

Centara ehf. er dótturfyrirtæki Hugbúnaður hf. sem er eitt elsta hugbúnaðarhús landsins stofnað 1981 og sérhæfir sig í þróun Centara Retail afgreiðslulausna fyrir sveitarfélög, verslunar- og veitingageirann hér á landi og erlendis.