Skýjalausnir Wise aldrei öflugri

jhp sm

Wise hefur um 20 ára skeið verið leiðandi í þróun hugbúnaðarlausna fyrir fjölda fyrirtækja hérlendis og erlendis. Auðvelt er að aðlaga hugbúnaðinn hverju fyrirtæki fyrir sig en sérlausnir Wise svo sem laun, banki, innheimta og WiseFish eru í raun allsherjarlausn sem notar Microsoft Dynamics NAV, nú í nýrri útgáfu sem kallast Microsoft Dynamics 365 Business Central eða Business Central (BC).

Wise vinnur nú að því að uppfæra núverandi viðskiptavini í nýjustu útgáfur staðlaðra kerfa og sérkerfa Wise. Starfsmenn Wise á Íslandi eru yfir 80 með um 2.500 viðskiptavini um allan heim en Wise hefur verið leiðandi í sölu viðskiptahugbúnaðar frá árinu 1995.

Um þessar mundir er starfsfólk Wise meðal annars að vinna að spennandi þróunarverkefni fyrir alþjóðlega fyrirtækið Cargill í samstarfi við sænska hugbúnaðarfyrirtækið HiQ. Í verkefninu sér Wise um að hanna vöruhús gagna (data warehouse), Tabular teninga og ýmsar þjónustur (API) í skýinu. „Markmiðið er að taka saman upplýsingar frá fiskeldisstöðvum um allan heim til að geta borið saman vöxt, fóðurnýtingu, áhrif sjúkdóma o.fl. á milli svæða og landa,“ segir Stefán Torfi Höskuldsson, sviðsstjóri rekstrar- og tæknisviðs. Viðskiptavinum Cargill er síðan veittur aðgangur að þessum þjónustum eða greiningum í gegnum vefsíðu sem heitir SeaCloud. Cargill er eitt stærsta fyrirtæki í heimi í einkaeigu með yfir 150.000 starfsmenn og veltu yfir 14 þúsund milljarða.

Auk þess má nefna að Omicron, sjávarútvegsfyrirtæki í Súrínam á norðausturströnd Suður-Ameríku, innleiddi WiseFish hugbúnað fyrir þremur árum. Innleiðing var framkvæmd í gegnum fjartengingu. „Að innleiða hugbúnaðinn án þess að þurfa að fara á staðinn sparaði bæði tíma og peninga fyrir okkur sem og viðskiptavininn,“ segir Jón Heiðar Pálsson, sviðsstjóri sölu- og markaðssviðs Wise. Svo vel tókst til við innleiðingu og framkvæmd að annað fyrirtæki frá Súrínam, Marisa Fisheries, er að fara í innleiðingu á WiseFish. 

WiseFish lausnir Wise spanna alla virðiskeðju sjávarútvegsins frá fiskeldi og veiðum til sölu og dreifingar. „WiseFish annast utanumhald veiða, hversu miklu er landað og hvaða tegundum. Einnig nýtist forritið til að vakta kvótastöðu og halda utan um framleiðsluferla. WiseFish tengist öðrum kerfum á gólfinu eins og Innova hugbúnaði frá Marel og má tengja kerfið við jaðartæki svo sem vogir og handtölvur,“ segir Jón Heiðar. WiseFish hugbúnaðurinn hefur verið í þróun hér heima um áratuga skeið og seinni ár hefur hróður hans borist víða, m.a. til Ástralíu, Suður-Ameríku, Noregs og Þýskalands.

Sérfræðingar WiseFish hafa  undanfarin 15 ár unnið náið með fyrirtækinu Euro Baltic í Þýskalandi að þróun og uppfærslu kerfisins. Euro Baltic er hluti af Parlevliet & Van der Plas Group (P&P Group) í Hollandi og er stærsti verkandi síldar við Eystrasaltið. „Í næstu uppfærslu verða allar tengingar við framleiðslukerfin skilvirkari og einfaldari og hún leysir af hólmi mikinn fjölda Excel skjala sem notuð hafa verið til að halda utan um veiðar, löndun og sölu. Reynslan af notkun WiseFish hjá Euro Baltic hefur skilað því að P&P Group hefur ákveðið að innleiða WiseFish hjá fleiri dótturfélögum, m.a. hjá túnfisksútgerðinni CFTO í Frakklandi,“ segir Andrés Helgi Hallgrímsson, sölustjóri WiseFish, og bætir við að starfsmenn CFTO séu spenntir að fá í hendurnar eitt kerfi sem haldi utan um allan ferilinn frá veiðum til sölu. „Þar með er hægt að rekja feril hráefnisins og fylgja eftir þeim gæðakröfum sem kaupendur gera.“

https://issuu.com/wiselausnir/docs/190327_frbl_visir/s/85685