WiseFish annast utanumhald veiða

181115 vb timaritfiskifretta 800

Wise hefur um 20 ára skeið verið leiðandi í þróun hugbúnaðarlausna fyrir sjávarútveg og þjónustar fjölda fyrirtækja innanlands sem utan. WiseFish hugbúnaðurinn hefur verið í þróun í 30 ár og fyrst og fremst verið verið framleidd fyrir innlenda markað. Seinni ár hefur hróður hugbúnaðarins borist víða og er viðskiptavini WiseFish nú að finna í Ástralíu, Suður-Ameríku, Noregi, Þýskalandi og víðar.

„WiseFish hugbúnaðurinn annast utanumhald veiða og veiðiaðferða, hversu miklu er landað og hvaða tegundum. Einnig nýtist hugbúnaðurinn til að vakta kvótastöðu og halda utan um framleiðsluferla. Hægt er að tengja WiseFish við önnur kerfi eins og Innova hugbúnað frá Marel og má láta kerfið tala við jaðartæki, s.s. vogir og handtölvur,“ segir Jón Heiðar Pálsson, sviðsstjóri sölu- og markaðssviðs Wise, og bætir við að kerfið bjóði upp á mikla möguleika á að rekja feril afurða frá veiðum í gegnum vinnslu- og söluferli og alla leið til neytandans.

Wise vinnur náið með Samtökum fyrirtækja í sjávarútvegi og hefur undanfarið unnið með þeim að verkefninu „Vitinn“ sem snýr að því að útbúa kerfi sem safn- ar gögnum um útflutning sjávarafurða á miðlægan stað. Út frá þessum gögnum er mögulegt að vinna verðmætar tölfræðilegar markaðsupplýsingar sem gerir fyrirtækjum kleift að greina tækifæri á mörk- uðum og fá meira fyrir afurðir sínar. Þessu til viðbótar eru teknar saman, í gagngrunni, upplýsingar um tolla- og markaðasaðgang íslenskra sjávarafurða á erlenda markaði.

Á Sjávarútvegsráðstefnunni 2018 hélt Stefán Torfi Höskuldsson, sviðstjóri viðskiptagreindar hjá Wise, erindi. Erindi Stefáns Torfa fjallaði um hvernig hægt er að greina og birta gögn úr WiseFish á myndrænan og aðgengilegan hátt í Power BI. Sýnd voru dæmi um úrvinnslu gagna fyrir vinnslustjóra, útgerðastjóra og fjármálastjóra fyrirtækja sem gera kröfur um gögn í rauntíma til að hjálpa við ákvarðanatökur og/eða greiningar. Erindið má er aðgengilegt á YouTube með því að smella hér. 

Stefán Torfi er um þessar mundir að vinna að mjög spennandi þróunarverkefni fyrir alþjóðlega fyrirtækið Cargill í samstarfi við sænska hugbúnaðarfyrirtækið HiQ. „Í verkefninu sér Wise um að hanna vöruhús gagna, Tabular teninga og ýmsar þjónustur (API) í skýinu. Markmiðið er að taka saman upplýsingar frá fiskeldisstöðvum um allan heim til að geta borið saman vöxt, fóðurnýtingu, áhrif sjúkdóma o.fl. á milli landa, svæða o.s.frv. Viðskiptavinum Cargill er síðan veittur aðgangur að þessum þjónustum eða greiningum í gegnum vefsíðu sem heitir SeaCloud.“ segir Stefán Torfi.

„Eins og í öllum öðrum rekstri skiptir miklu fyrir stjórnendur í sjávarútvegi að hafa góða yfirsýn, vefur, spjaldtölvur, símar og Power BI greiningartól eru nú hluti af stöðluðu kerfi WiseFish. Við höfum endurskrifað kerfin frá grunni, nýtum okkur nýjar útgáfur af Dynamics NAV frá Microsoft og getum boðið nýja virkni sem byggir jafnframt á grunnkerfi Microsoft,“ segir Jón Heiðar.

TÍMARIT FISKIFRÉTTA 2018