Wise lausnir ehf. samstarfsaðili ársins 2015 í viðskiptalausnum (MBS) hjá Microsoft á Íslandi

POTH2015Wise hlaut á dögunum viðurkenninguna samstarfsaðili ársins hjá Microsoft á Íslandi fyrir framúrskarandi árangur á sviði þróunar og sölu á viðskiptalausnum á síðastliðnu fjárhagsári Microsoft.

Verðlaunin voru veitt á „Kick off“ fagnaði Microsoft síðastliðinn föstudag sem haldinn var í Iðusölum.
Viðurkenninguna hlaut Wise fyrir að skara fram úr í sölu á viðskiptalausnum en fyrirtækið hefur fjárfest umtalsvert á komandi ári í fjölbreyttum hýsingar- og skýjalausnum fyrir viðskiptavini sína með samþættingu við Office 365 og aðrar vinsælar Microsoft lausnir.

„Wise er vel að verðlaununum komið þar sem fjárfesting þeirra í skýjalausnum Microsoft og markaðssetning hefur skilað þeim mikilli aukningu í fjölgun viðskiptavina á árinu. Að sama skapi skilaði Wise mestri veltu í leyfissölu til nýrra viðskiptavina af samstarfsaðilum Microsoft í Dynamics lausnum á Íslandi. Virkilega góður árangur”, segir Guðjón Karl Þórisson, sölustjóri MBS á Íslandi hjá Microsoft.

Samstarfsadili arsins 2015 wise

NAV í áskrift er fullbúin bókhalds- og viðskiptalausn í áskrift byggð á Microsoft Dynamics NAV sem er einn mest seldi viðskipta- og bókhaldshugbúnaður á Íslandi í dag. Lausnin er hýst í tölvuskýjum og er einstaklega hagkvæm þar sem greitt er mánaðarlegt gjald fyrir hugbúnað, uppfærslu- og þjónustugjöld ásamt hýsingu í fullkomnu og öruggu tækniumhverfi. 

„Sérstaða okkar á markaðnum í hýsingu og áskriftarleiðum er fjöldi sérlausna sem við höfum þróað fyrir íslenskan og erlendan markað. Hér má nefna öflugar viðskiptalausnir á borð við launakerfi og innheimtukerfi, viðskiptagreind (BI), sveitarfélagalausnir og WiseFish sjávarútvegslausnir sem innihalda lausnir fyrir alla virðiskeðju sjávarútvegsins frá vinnslu, framleiðslu, útflutnings til sölu og dreifingar. Verslunarlausnir eru nýjung í áskrift hjá Wise með tengingu við Centara afgreiðslukerfið fyrir verslanir og veitingahús.
Hýsingarleiðirnar sjálfar eru þrjár eftir hvað hentar hverjum rekstri best, en hýst er í gagnaveri Microsoft Azure sem talið er eitt það öruggasta og öflugasta sinnar tegundar í heiminum í dag“, segir Jón Heiðar Pálsson, sölustjóri Wise lausna á Íslandi.

Myndatexti: t.v. Guðjón Karl Þórisson, Björn Þórhallsson, Hrannar Erlingsson, Margrét Erla Eysteinsdóttir, Hallgerður Jóna Elvarsdóttir, Íris Magnúsdóttir, Jón Heiðar Pálsson og Heimir Fannar Gunnlaugsson.